Einleitung
„Schäfer“,
hom die Kinder bett´lt,
„Du
bist doch a g´scheiter Mo´.
Es
gibt kann ba uns im Dörfla,
der
su schäine G´schicht´n ko´!
Sooch,
Du waßt doch alles besser,
wäi
des seinerzeit is´ g´ween,
mit
Maria und dem Josef.
Sooch,
wos is´ denn doamoal´s g´schehng?“
Und
der Schäfer stopft sei´ Pfeif´n,
sachd
nou drauf: „Mit Gottes Will´n,
werd´
ich etz Eich kloar und deitli´
nu
ammol däi G´schicht derz´lln!
Ich
will´s soong mit uns´re Worte,
net
wäi´s in der Bieb´l stäiht.
Wall
des sunsd neemli ned richti
nei,
in Eire Hulzköpf gäiht.
Also,
setzt Eich hie und horchd schäi,
wos
der Schäfer Eich derz´llt,
wall
däi G´schicht g´wieß zu die schännsd´n
vo´
der ganz´n Menschheit z´llt!“
Einstens
houd der Kaiser August
festg´schdelld
bam Konzilium:
„Eier
Dummheit, ihr Minister,
bringt
mi´ eines Tooch´s nu um.
Kanner
waß vo´ Eich toatsächli´
wäiv´ll
Leit´ im Land dou leeb´m,
und
wall des a Sauerei is´,
fang´
mer o´, und z´lln mer´s eem!“
Also
is´ a Brief nausg´wandert,
bis
naus in die letzte G´maa.
Die
Maria und der Josef,
däi
zwaa kräing des Rundschreib´m aa!
„Jeder
mouß etz glei´ douhie gäih“,
houd
mer in dem Amtsbrief g´schrieb´m,
„wou
er herkummt und nu weiter,
wou
er is´ bis etzerd blieb´m!
Wall,
as Volk mouß etzerd z´llt werd´n,
eher
gibt der Staat kan Rouh,
der
will etzerd endli´ wiss´n,
wäiv´ll
Leit´ denn leeb´m nu dou!“
Des
woar für den Josef bitter,
denn
er woar a Zimmermo´,
fort
soll er und houd kan Mensch´n,
der
wou nern vertret´n ko´!
„Ja,
wos mach´ mer denn, Maria“,
houd
er zu sein Weibla g´sachd,
„der
August, der houd uns dou etzerd
in
an schäin Schlamass´l bracht!“
„Josef“,
sachd dou die Maria,
„folng
mäin mer, wos woll´n mern dou.
Wer
dou drob´m hockd, houd as O´geem
und
aa nu die Macht derzou!“
„In
Dein´ Zustand etz nu wandern
und
nu bis nach Bethlehem“,
sachd
der Josef, „des wärd´, maan ich,
a
schäin´s Durchernander geb´m!“
Zruck