Wäi der Jesus mit seine Jünger ausgmist hot.
Der Christus is etz mit seim Tross
schnurstraggs af'n Tempi los.
Is neigfoahrn mit aan
Dunnawedda.
Hofs afde Köbfghaut mit de Bredder
vo ihre Marktständ, Tisch und Budn.
Des woar a Jammern bo de
Judn!
De Dealer und Gebrauchtwoarnhändler
hot erpaggt - vurn - bo ihm Bändia
und hot's nausgjoocht aus'm Tempi.
Und den Schankwärt mit seim Plempl
hot er's Foss afd' Zäiha ghaut
Der hot villeicht debbert gschaut!
Den Wechslern hot er's Geld zerrissn,
und su aan Kerl durch's Fensta gschmissn.
Doch der, der hot si rewangschiert:
s sufort zum Gricht maschiert
und hot den Jesus ohgezeicht.
Blouß hot der dort nix erreicht.
De Jünger, de ham aa mitgmischt,
und ham aan bom Stihln erwischt.
Den ham's jämmerlich verhaut,
dass der su schnell nimma klaut.
|